Die geheim van die neutagtige geur lê nie in neute nie, maar in die kiem (germ) van die koringkorrel. Hierdie klein gedeelte van die graan bevat natuurlike olies, vitamiene en minerale wat die meel sy kenmerkende ryk geur gee. By baie kommersiële verfynde meele word die kiem verwyder om die raklewe te verleng. Steengemaalde bruinbroodmeel behou egter baie meer van die oorspronklike graankorrel, en daarom is dit die ideale basis vir hierdie tuisgemaakte mengsel.