Gevlekte Skaapboud oor die kole
Hierdie sagte skaapboudresep is ideaal vir geurige vleis van ’n ouer dier. Die ontbeende boud marineer oornag in karringmelk of jogurt voordat dit met roosmaryn, knoffel, koljander, komyn en gerookte paprika gegeur word. Braai dit oopgevlek of rol dit op vir ’n sappige skaapvleisgereg.
Prep Tyd - 20 mins
Kook / Bak Tyd - 45 mins
Totale Tyd - 65 mins
Moeite - Maklik
Bergingopsie: Vrieskas vriendelik
Oondtemperatuur: n.v.t.
Porsies - 6 porsies portions
Wenke / Tips
Wenke
Karringmelk of gewone jogurt help om die oppervlak van die vleis sagter te maak en dra ook geur by.
Marineer die vleis altyd bedek in die yskas en nooit by kamertemperatuur nie.
Vee die oortollige suiwelmarinade af voordat die kruie-en-speserymarinade aangewend word.
Rooster die koljander- en komynsaad vooraf om hul geur te versterk.
Die boud kan oopgevlek vir vinniger gaarmaak of opgerol vir ’n netjiese vleisrol voorberei word.
Gebruik matige kole sodat die vleis egalig gaar word sonder dat die buitekant brand.
Laat die gaar vleis rus voordat dit gesny word sodat die vleissappe kan stabiliseer.
Sny die vleis teen die grein in vir sagter skywe.
Bestandele / Ingredients
Karringmelkmarinade
1 ontbeende skaap- of lamsboud
500 ml karringmelk of gewone jogurt
Kruie-en-speserymarinade
6 takkies vars roosmaryn, waarvan 3 takkies se blare fyngekap is
Sap van 2 suurlemoene
125 ml (½ k) olyfolie
75 ml (5 e) knoffel, fyngedruk
30 ml (2 e) geroosterde koljandersaad, grofgemaal
15 ml (1 e) geroosterde komynsaad
75 ml (5 e) woestersous
5 ml (1 t) masala uit Boerekos met ’n Twist, p. 206
5 ml (1 t) gerookte paprika
Afronding
Sout en varsgemaalde swartpeper na smaak
Bindtou indien die vleis opgerol word
Instruksies / Instructions
Karringmelkmarinade
Plaas die ontbeende boud in ’n glas-, keramiek- of voedselveilige plastiekhouer.
Vryf die vleis deeglik met die karringmelk of gewone jogurt in.
Bedek en laat dit oornag in die yskas marineer.
Vee die oortollige karringmelk of jogurt die volgende dag met ’n skoon kombuislappie of kombuispapier af. Moenie die vleis afspoel nie.
Kruie-en-speserymarinade
Meng die suurlemoensap, olyfolie, knoffel, gekapte roosmaryn, koljander, komyn, woestersous, masala en gerookte paprika.
Vryf die marinade deeglik oor die hele oppervlak van die vleis.
Laat die vleis vir 1–6 uur, bedek in die yskas, marineer sodat die geure kan ontwikkel.
Oopgevlekte boud
Laat die boud oopgevlek en braai dit oor matige kole.
Draai die vleis gereeld om sodat dit egalig gaar word en nie aan die buitekant brand voordat die middel gaar is nie.
Oopgevlekte vleis sal vinniger as ’n opgerolde boud gaar word.
Opgerolde boud
Plaas die 3 heel roosmaryntakkies op die gemarineerde vleis.
Rol die boud stewig op en bind dit met bindtou vas.
Braai die rol stadig oor matige kole en draai dit gereeld sodat dit egalig gaar word.
Afronding
Geur die vleis met sout en varsgemaalde swartpeper net voordat dit van die kole verwyder word.
Laat die vleis vir minstens 5 minute rus voordat dit teen die grein in skywe gesny word.